ازاي تكتب سلوجان او (شعار) يعلق مع الناس ؟

ازاي تكتب سلوجان او (شعار) يعلق مع الناس ؟

SLOGAN

ازاي تكتب سلوجان او (شعار) يعلق مع الناس ؟

السلوجان  أو الشعار الإعلاني، هو كلمة أو أكتر بتميز المنتج أو الخدمة عن غيرها من المنافسين، بس عشان السلوجان ده يكون ناجح لازم يشد الناس ويعلق في دماغهم، ويكون بسيط كمان..وهنا السؤال إزاي تحقق العناصر دي؟.

 

الأول إيه هى مواصفات السلوجان الناجح؟

في دراسات لخصت الإجابة في كلمة (S.O.S)
Simple – Original – Straightforward

.بمعنى أنه يكون بسيط، ومش شبه أي شعار تاني، ودقيق، يعني لازم توصل بيه رسالة واضحة عن منتجك أو خدمتك

 

 .بسيط يعني توصل الرسالة دي في عدد كلمات قليل، وعشان كده لازم كل كلمة يكون ليها معنى مؤثر
.وأهم حاجة تاخد بالك لو الكلمة ليها معنين واحد سلبي وواحد إيجابي يبقى تشوف للكلمة دي بديل تاني

 

ما يكونش شبه أي شعار تاني، وده مش معناه أنك بتقلد لكن ساعات اللاشعور بيخليك تتخيل أنك لقيت سلوجان جديد، بس الحقيقة أنك سمعته قبل كده او حاجة شبهه، و هنا كمان مش مقصود بس تتجنب الكلمات اللي استخدمت قبل كده، لكن كمان تتجنب أن لما يسمعها حد يحس أنه سمعها قبل كده

 

دقيق يعني يكون مباشر ، عشان كده انجح الشعارات بتكون مباشرة من غير ما تكشف عن تفاصيل كتير، ولازم تعرف أن السلوجان بيعكس شخصية المنتج

 

تاني حاجة إزاي تكتب السلوجان؟؟

 في خطوات معينة ممكن تساعدك عشان تكتب سلوجان ناجح

 

 اكتب كل الكلمات اللي بتوصف المنتج أو الخدمة، لأن السلوجان الناجح بيدي المستهلك فكرة عامة عنه، وايه هى اهم حاجة بيقدمها ؟ ، فمثلا لو بتعمل سلوجان  لكوفي شوب، فهتكتب قهوة، سخنة، إلخ..

 

  اكتب في ورقة تانية فوايد المنتج، عشان تشجع المستهلك أنه يجربها أو يشتريها، وحاول تفكر بره الصندوق، فمثلا لو رجعنا لمثال القهوة، اكتب دافى، طعم حلو، الصحيان من النوم إلخ…

 

قرر أنت عايز انطباع الناس لما تسمع السلوجان تحس بإيه؟ تضحك، تحس بالأمان، الثقة بالنفس أو غيرها من الانطباعات

 

حاول تخاطب مشاعر الناس فمثلا لو السلوجان عن مطعم تقول أنه أكله بيخليك سعيد، وأنت كده خرجت فكرة الأكل من أنه مجرد طعم،لا ده كمان بيخليك سعيد

 

 خلي السلوجان مختصر عشان المستهلك يفتكره، ما يزيدش عن 6 كلمات، ودايما افتكر هدف السلوجان أنه يكون مختصر وجذاب يعلق مع الناس

 

عالمية  Slogans أمثلة 

كيت كات
b3d7fdef-bff2-4a5b-8c95-077b8c89084f

ماكدونالز

12b

فولكس
Volkswagen-das-auto

أبل

famous-company-slogans-and-taglines-company1

نوكيا

Nokia-Logo

 أمثلة لـ  سلوجانز أو شعارات كتبها إسلام ريزو

راديو حريتنا

راديو حريتنا .. اسمع قبلهم

راديو حريتنا .. الحرية بقى ليها صوت

شاور جل بريما فيرا

بريما فيرا .. انتعش اتبسط

Fawzya.com  موقع للمرأة

فوزية .. شوفتى اللي حصل

موقع للتكنولوجيا teknology 

  خد فكرة

 

 

 مثال لاعلانات راديو وتليفزيون مسجلة بصوت اسلام ريزو وفيها سلوجانز مميزة 

اندومي .. فى اى وقت ولكل الناس

 

إعلان بنك مصر..نعمل معا لخير بلدنا

 

 

 

 

 

Comments

comments



Show Buttons
Hide Buttons